Nú förum við í sumarfrí, og opnum næst miðvikudaginn 3.ágúst.
Á meðan við erum í fríi er hægt að lesa skilaboð inn á símsvarann (551-4570) eða senda okkur tölvupóst: lauf@vortex.is
Póstar og skilaboð verða skoðuð með nokkurra daga millibili.
Njótið sumarsins, sjáumst hress í ágúst.
Eins og öll vita erum við hjá LAUF með opið hús alltaf fyrsta mánudagskvöld í hverjum mánuði.
Að þessu sinni er júní-opna-húsið þó 13.júní, vegna þess að fyrsta mánudaginn í júní var annar í hvítasunnu.
Dagsetningarnar fyrir júlí og ágúst verða svo: 4.júlí og 8. ágúst (af því 1.ágúst er versló)
Í sumar, júní/júlí/ágúst, ætlum við að vera bara með kaffi og spjall, en höldum svo ótrauð áfram í september að bjóða upp á einhverja dagskrá, fræðslu eða innlegg til umræðu.
En allavega, næsta opna hús verður næsta mánudag, 13.júní, kl 19,30-21.
kaffi, gos, nammi og spjall.
Öll velkomin.
Nú höfum við fengið formlega staðfestingu frá Sjúkratryggingum um niðurgreiðslu á úrum sem nema flog og senda boð til aðstandenda.
þetta er svarið sem við fengum:
Embrace úrin eru greidd 70% skv. reglugerð. Það á þá við úrið sjálft. Kostnaður við appið sem þarf að nota til að virkja úrið er greiddur af notanda.
Reynslan hefur sýnt að úrið nemur öll flog nema Tonic-Clonic convulsive flog og hefur því miður ekki komið að notum í þeim tilfellum. Úrið er í stöðugri þróun og helstu upplýsingar um úrið og virkni þess er að finna á heimasíðu framleiðanda https://www.empatica.com/embrace2/
Kostnaður við úrið hefur verið á bilinu 30.000 – 35.000 kr ( miðað við gengi 2021) og Sjúkratryggingar greiða 70 % af þeirri upphæð og þá er kostnaður til notanda um 10.000 kr.
nýr pistill frá Gunnhildi,
http://lauf.is/fra-gunnhildi-radgjafa/
https://www.rmi.is
Við vekjum athygli ykkar á þessu spennandi upplifunarverki ætlað skynsegin og fjölfötluðum börnum frá 1-4 ára í tengslum við Listahátíð í Reykjavík.
UPPLIFUNARVERK FYRIR SKYNSEGIN OG FJÖLFÖTLUÐ BÖRN FRÁ 1- 4 ÁRA
Listahátíð í Reykjavík og List fyrir alla með stuðningi frá Barnamenningarsjóði
bjóða skynsegin/taugsegin og fjölfötluðum börnum á aldrinum eins til fjögurra ára ásamt fullorðna fólkinu þeirra á upplifunarverkið dAzzleMAZE.
Sýningin fer fram laugardaginn 18. júní kl. 10:00-13:00 í Tjarnarbíó.
Bókið ykkur boðsmiða hér.
Í dAzzleMAZE, sem er í senn dansverk og innsetning, fögnum við veru okkar í heiminum og göngum inn í rými þar sem við tökum glöð á móti því óþekkta. Hér hvílir tíminn í sjálfum sér og dýpkar. Verkið býður upp á fjölþætta skynjunarupplifun og hvatt er til forvitni, könnunar, slökunar og íhugunar. Í þessu rými er engin rétt eða röng hegðun og áhorfendum býðst að njóta uppákomunnar á eigin forsendum.
Gestir mega koma inn í rýmið þegar þeir eru tilbúnir, fara út og koma aftur inn eins og hentar. Til þess að auka á sameiginlega upplifun er ungu gestunum boðið að velja sér og klæðast búningum í anddyri sem kallast á við búninga dansaranna.
Danshöfundurinn Dalija Acin Thelander hefur sérhæft sig í að gera sýningar fyrir ungabörn og nú á síðari árum einnig fyrir börn af öllu skynrófinu. Allar sýningar hennar byggja á mikilli rannsóknavinnu þar sem áhersla er lögð á að mæta hverju barni þar sem það er statt tilfinningalega og í þroska.
Niceair og Umhyggja eru komin í samstarf um að veita fjölskyldum langveikra barna sérstök kjör af utanlandsferðum með nýstofnuðu flugfélagi sem flýgur frá Akureyri.
Til að létta undir með fjölskyldum langveikra barna og auðvelda þeim ferðalög erlendis býður Niceair langveikum börnum frítt flug til allra áfangastaða sinna og foreldrum þeirra 50% afslátt. Þetta gildir fyrir þær fjölskyldur sem eru félagar í Umhyggju eða aðildarfélögum Umhyggju 😊 Í sumar verður flogið til Tenerife, London og Kaupmannahafnar, en næsta vetur verður flogið til Manchester, London og Kaupmannahafnar. (LAUF - félag flogaveikra er aðildarfélag í Umhyggju).
Sjá nánari upplýsingar: https://www.umhyggja.is/is/frettir/frettir-allt/niceair-og-umhyggja-i-samstarf
Ráðstefna ÖBÍ um atvinnumál fatlaðs fólks: VINNUMARKAÐURINN ÞARF Á OKKUR AÐ HALDA, verður haldin næstkomandi miðvikudag, 11. maí nk. á Hótel Hilton, Nordica.
Allir eru velkomnir! Skráning á obi.is
Dagskrá:
· Ávarp. Guðmundur Ingi Guðbrandsson, félags–og vinnumarkaðsráðherra
· Viðeigandi aðlögun - hvað er það? Alma Ýr Ingólfsdóttir, lögfræðingur, ÖBÍ
· Örsaga af vinnumarkaði. Berglind Stefánsdóttir
· Atvinnumál fatlaðs fólks í Reykjavík. Auður Björgvinsdóttir, Reykjavíkurborg
· Atvinnumál fatlaðra frá sjónarhorni ráðningarstofu. Torfi Markússon, Intellecta
· Örsaga af vinnumarkaði. Daði Gunnsteinsson
· Hvað geta atvinnurekendur gert til að auka atvinnuþátttöku fatlaðs fólks?
Maj-Britt Hjördís Briem, lögmaður, SA
· Fjölgun starfstækifæra. Hans Benjamínsson, Vinnumálastofnun
· Örsaga af vinnumarkaði. Svala Arnardóttir
· Stjórnun fjölbreytileika og stuðningsúrræði á vinnumarkaði. Stefán Hardonk, lektor, HÍ
· Nýsköpunarvirkni fatlaðs fólks. Elinóra Inga Sigurðardóttir, KVENN, Valdimar Össurarson,
SFH, Aileen Soffía Svensdóttir, frumkvöðull
· Örsaga af vinnumarkaði. Haraldur Þorleifsson
· Vinnustofur. Lausnir fundnar – eru þær raunhæfar?
· Hvatning til góðra verka. Þuríður Harpa Sigurðardóttir, formaður, ÖBÍ
Rit- og táknmálstúlkun er í boði. Nánari upplýsingar og skráning á obi.is
Nokkrir nemendur við HR eru að vinna verkefni sem snýst um að finna upp tæki sem getur gefið fólki viðvörun þegar flog er á leiðinni
þau sem vilja hjálpa þeim eru beðin að svara þessari könnun
https://docs.google.com/forms/d/e/1FAIpQLSeqK5lL2wp4DW4oEcbNwGK7tD390BmUkqkdrHfrwi42kWbDpg/viewform?vc=0&c=0&w=1&flr=0
Áhugavert málþing á vegum kjarahóps ÖBÍ
https://www.obi.is/is/um-obi/vidburdir/malthing-kjarahops-obi